Digwyddiadau drwy lygaid y camera

Sul arbennig i ni i gyd fel aelodau oedd y Sul hwnnw ym mis Ebrill pan gawsom groesawu pedwar o'n pobl ifanc yn gyflawn aelodau. Bydded i Dduw eu bendithio a'u cynnal yn y blynyddoedd i ddod

Mae cerdded yn llesol - beth am ymuno â ni yn y Clwb Cerdded. Mae digon o hwyl i'w gael a chyfle i gymdeithasu. Bydd y Clwb yn cyfarfod nesaf ar ddydd Sadwrn, Hydref 8fed yn Llanelwy. Mae manylion llawn yn Dolen. Ymunwach â ni !!


Ewch i waelod y dudalen i gael mynediad i luniau o daith gerdded Aberdaron

Fel eglwys yr ydym yn hynod o falch o'r gamp a gyflawnwyd gan bump o'n haelodau ac yn ymhyfrydu yn yr anrhydedd a dderbyniasent ar Fai 19eg sef derbyn y Fedal Gee. Gyda'r gweinidog Y Parch Hugh Pritchard a gafodd y fraint o'u cyflwyno mewn bywgraffiad yn rhaglen y seremoni wobrwyo y mae Mr Ronwy Rogers, Y Cynghorydd Dafydd Jones OBE, Mr Meurig Voyle, Mr Aneurin Williams a Mr Evan Thomas Jones

Southport oedd terfyn y daith i'r TripYsgol Sul.
Cafwyd diwrnod bendigedig gyda phawb yh mwynhau.

Ychydig dros flwyddyn yn ôl daeth nifer o ferched y Capel at eu gilydd dan erweiniad Mrs Ann Parry gyda'r bwriad o greu nifer o ddarluniau fyddai yn adrodd hanes y Capel Mawr. Drwy'r gaeaf, gwanwyn a hâf buont yn cyfarfod i greu y "collage" cyntaf o gyfres. Ar fore Sul yr 2il o Hydref mewn gwasanaeth arbennig cyflwynwyd y "collage" i'r Capel gyda'r aelodau o'r grŵp collage eu hunain yn cymeryd rhan.
Edrychwn ymlaen i weld ffrwyth a llafur y criw ar yr ail banel o fewn y flwyddyn.

Erbyn hyn mae yr ail "collage" wedi ei arddangos yn y capel. Mae yn olrhain dylanwad Thomos Jones ar y Capel Mawr ac ar yr "Hen Gorff" yn arbennig.
A ninnau ar ddechrau tymor arall ym mywyd yr eglwys da yw clywed fod y merched a JMR eisioes wedi dechrau cynllunio y trydydd panel.

Mr Merig Voyle yn cyflwyno tysteb i'r Parchedig Hugh Pritchard ar ei ymddeoliad

Mr Manod Rees yn cyflwyno copi clawr meddal o "Caneuon Ffydd" i Mrs Rhannon Pritchard fel gwerthfawrogiad o'i chyfraniad fel organyddes dros yr wyth mlynedd diwethaf

Mr a Mrs Pritchard eu merch Nerys a'u wyres Gwenllian yn mwynhau noson o adloniant "ysgafn"

Beth mae'n nhw'n ddathlu ? - cliciwch yma i weld mwy o luniau