DOLEN CYLCHGRAWN EGLWYS Y CAPEL MAWR A SEION, DINBYCH Gweinidog: Golygydd: Mr Stanley Lyall Ionawr 2009 Rhif 254
.............................................................................................................................................................
Blwyddyn Newydd Dda i Bawb Ohonoch!
Ar ddechrau blwyddyn edrychwn ymlaen yn llawn gobaith am gyfnod gwell yn ein bywydau. Yn wir, os bu’r cyfnod blaenorol yn un trafferthus ein tueddiad ydyw dyheu am dro ar fyd gan fynegi’r geiriau, “Ni all pethau fod fawr gwaeth arnom na’r llynedd.”
Digon tebyg ydyw hi yn hanes yr Eglwys Bresbyteraidd. Wrth i niferoedd aelodau eglwysig leihau yn gyffredinol yng Nghymru mae’n frawychus cael ar ddeall i gapeli’r Hen Gorff yn Henaduriaeth Dyffryn Clwyd golli dros 200 o aelodau yn ddiweddar. Y mae hynny yn cyfateb i ddiflaniad llwyr dros nos fel petai un o eglwysi mwyaf yr Henaduriaeth - megis Y Capel Mawr!
Ni wyddys faint o’r nifer hwn sy’n bobl wedi cilio, wedi mudo o’r ardal neu wedi’u colli trwy farwolaeth, ond yn sicr y mae’n destun pryder. Yn yr un modd ag y mae prinder ymgeiswyr ar gyfer y Weinidogaeth yn achosi gofid yn genedlaethol.
Beth ellir ei wneud i adfer y dirywiad? Bwriad yr Eglwys ydyw ail-strwythuro’i hunan gan grynhoi adnoddau eglwysig mewn ardaloedd arbennig a thrwy hynny wella a moderneiddio’r ddarpariaeth. Yn lleol yn bendant y mae yna awydd cryf i weld cydweithio rhwng eglwysi ac y mae yna ddatblygiadau amlwg wedi bod yn ddiweddar rhwng yr eglwys hon a’n chwaer eglwys yn Y Fron. Yn y dyfodol gobeithir gweld mwy o eglwysi yn yr ardal hon yn cydweithio, yn arbennig gyda golwg ar gyfarfodydd yr hwyr, gan ddarparu digwyddiadau gwahanol i’r oedfaon arferol.
Bellach y mae gennym yn Y Capel Mawr adnoddau technolegol a all weddnewid a bywiogi ein hoedfaon. Daeth yr adnoddau hyn inni drwy weledigaeth a charedigrwydd Mr David Jones, Gwenallt, a’r her inni ydyw gwneud yn fawr ohonynt. Yn sicr, dengys y datblygiadau hyn nad ydym yn aros yn ein hunfan yn Nyffryn Clwyd nac yn yr eglwys hon, a rhoddant inni’r hyder i wynebu 2009 gyda gobaith y gallwn wrthsefyll yr apathi cyffredinol sydd o’n hamgylch.
TREFNIADAU MIS IONAWR
Llywydd y Mis:
Mrs Nerys Ann Roberts
Wrth y Drysau:
Mrs Siân Jones, Llwyn y Gôg
Mr Russell Jones,Llwyn y Gôg
Mr Dyfan Glyn Roberts, Erw Las
Casglyddion:
Mamau’r Ysgol Sul
Rhoddir y Blodau gan:
Ionawr 4 - Mrs Nanw Griffith, Ardudwy, 5 Lôn Derwen
Ionawr 11 - Mrs Olwen Roberts, Felin Ganol,
a Mrs Meinir Roberts, Y Glyn
Ionawr 18 - Mrs Ceinwen Mallon, 5 Erw Salusbury,
a Mrs Carys Powell, Tir y Dail
Ionawr 25 - Mrs Helen Owen, Bryn, 2 Lôn Derwen
Llestri’r Cymun:
Mrs Dorothy Rogers, 51 Parc Mytton
Mrs Kitty Williams, Ceiriog, Abbey Court
Llety’r Pregethwyr:
34 Ffordd Colomendy
CYHOEDDIADAU
MIS IONAWR
Dydd Sul, Ionawr 4
Oedfa’r bore dan ofal Y Parch. Cledwyn Parry, Dinbych. Trefniant mewnol ar gyfer oedfa’r hwyr.
Dydd Llun, Ionawr 5
Cyfarfodydd Gweddi dechrau’r Flwyddyn. Y cyfarfod cyntaf dan ofal Cyfarfod Gweddi Cenhadol y Chwiorydd am 7 o’r gloch
Dydd Mawrth, Ionawr 6
Aelwyd y Chwiorydd am 1.30pm – Elen Lloyd a Llyr Jones yn sôn am waith Cam Wrth Gam
Dydd Mercher, Ionawr 7
Cyfarfodydd Gweddi dechrau’r Flwyddyn. Yr Ail Gyfarfod am 7 o’r gloch
Dydd Gwener, Ionawr 9
Cyfarfodydd Gweddi dechrau’r Flwyddyn. Y cyfarfod olaf am 7 o’r gloch dan ofal y Gymdeithas Lên a Cherdd
Dydd Sul, Ionawr 11
Trefniadau mewnol
Dydd Llun, Ionawr 12
Cytûn - Gwasanaeth Iachâu yn St Thomas am 7 o’r gloch
Dydd Sul, Ionawr 18
Mr Tom I. Williams, Dinbych
Dydd Mawrth, Ionawr 20
Aelwyd y Chwiorydd am 1.30pm – Mrs Rhiannon Rogers yn dangos ei gwaith llaw
Dydd Sul, Ionawr 25
Y Parch. John Owen, Rhuthun
Dydd Sadwrn, Ionawr 31
Bore Coffi yn y Festri -10am -11am. Yr elw at goffrau’r eglwys.
............................................................................................
COLLI AELOD
Yn ystos mis Rhagfyr bu inni golli un o’n haelodau hynaf, sef Mr Dennis Williams, Pine Tree Court, gynt o Erw Salusbury. Hiraethwn amdano a chydymdeimlwn â’i fab Ian, ei ferched Margot a Ruth a’u teuluoedd a chofiwn amdanynt yn ein gweddïau.
............................................................................................
PROFEDIGAETH
Yn ystod mis Rhagfyr bu inni gydymdeimlo â Mr Gerald Williams, 33 Bryn Stanley, yn ei brofedigaeth o golli’i frawd. Meddyliwn amdano yn ein gweddïau.
............................................................................................
YSBYTAI
Y mae’r canlynol yn glaf mewn ysbyty ar hyn o bryd:-
Mrs Margaret Davies, Trem y Gaer, yn yr Inffyrmari
Mrs Doreen Evans, 6 Ffordd Las, yn yr Inffyrmari
Gartref o’r ysbyty y mae:-
Ms Medwen Griffiths, 24 Parc y Llan, Henllan
.....................................................................................
DIOLCH
Hoffwn ddiolch yn fawr iawn am y cardiau, y galwadau ffôn a’r ymweliadau tra’r oeddwn yn yr ysbyty yn ystod y misoedd diwethaf.
Diolch o galon
Gwyneth Jones,
31 Stryd Henllan
............................................................................................
CYFARFODYDD GWEDDI DECHRAU’R FLWYDDYN
Yn ôl ein harfer byddwn yn cynnal tri chyfarfod gweddi yn ystod yr wythnos lawn gyntaf yn Ionawr.
Dyma’r trefniadau yn llawn
Nos Lun, Ionawr 5ed am 7 o’r gloch dan ofal y Cyfarfod Gweddi Cenhadol
Nos Fercher, Ionawr 7fed, am 7 o’r gloch
Nos Wener, Ionawr 9fed, am 7 o’r gloch dan ofal y Gymdeithas Lên a Cherdd
............................................................................................
WALED AMLENNI
Gyda’r rhifyn hwn o Dolen dylech dderbyn eich waled amlenni arferol. Os gwelwch yn dda, peidiwch â defnyddio eich hen amlenni ar ôl derbyn eich waled newydd.
............................................................................................
CORNEL Y CHWIORYDD
gyda Mair Jones
AELWYD Y CHWIORYDD
Cawsom gyfarfod arbennig ar Ragfyr 9fed i ddathlu Gŵyl y Geni. Croesawyd pawb gan Mrs Ann Parry gyda chroeso arbennig i’r Parchedig Gareth Roberts a’i briod.
Cafwyd eitemau gan bedwar o’n haelodau, sef Mrs Nerys Ann Roberts, Mrs Gaynor Morgan Rees, Mr John Manod Rees a Mr Stanley Lyall gyda Mrs Ann Parry yn gwau y cyfan wrth ei gilydd yn gelfydd iawn. Daethant â ni i ysbryd y Nadolig gyda’u darlleniadau, atgofion a charolau.
Roedd y merched wedi bod yn brysur fel arfer yn paratoi te blasus a chafwyd prynhawn difyr iawn.
Cawsom hefyd gyfle i ddathlu gydag un o’n haelodau, sef Mr George Lloyd, a oedd yn cael penblwydd arbennig ar y diwrnod.
Diolchodd y llywydd i bawb.
Y CALENDR
Nos Lun, Ionawr 5
Cyfarfod Gweddi Cenhadol am 7 o’r gloch
Dydd Mawrth, Ionawr 6
Aelwyd y Chwiorydd am 1.30pm - Elen Lloyd a Llyr Jones yn sôn am waith Cam wrth Gam
Dydd Mawrth, Ionawr 20
Aelwyd y Chwiorydd am 1.30pm - Mrs Rhiannon Rogers yn dangos ei gwaith llaw
............................................................................................
BORE COFFI
Cofiwch am y Bore Coffi rhwng 10 ac 11 o’r gloch ar ddydd Sadwrn, Ionawr 31ain. Bydd yr elw tuag at goffrau’r eglwys.
Rydym yn chwilio am wirfoddolwyr i ofalu am y Bore Coffi ar Chwefror 28ain. Os ydych chi’n gallu ymgymryd â’r dasg cysylltwch â Mr S. Lyall, os gwelwch yn dda.
............................................................................................
ADRAN Y PLANT
Yn gyntaf, ar ran pawb yn Y Capel Mawr diolch i chi am eich gwasanaeth Nadolig. Roedd hi’n bleser llwyr eich gwylio yn cyflwyno neges drama’r geni. Gobeithio eich bod wedi cael parti Nadolig llawn hwyl ar Ragfyr 30ain gyda Marc Whincup.
Mae’n siwr y byddwch chi i gyd yn drist o weld un siop arbennig yn y dref hon yn cau am byth. Cyfeirio rydwi at y gangen leol o Woolworth, siop a fu’n bwysig iawn ym mywydau pob un ohonom ni ar hyd y blynyddoedd.
Yn wir, dyma’r unig siop roeddwn i’n hoffi ymweld â hi pan oeddwn i’n fychan – cyfle i lygadu’r teganau a llewni’r bag papur gyda’r hyn roedd gan y Pick’n Mix i’w gynnig. Llawer mwy diddorol nag unrhyw siop ddillad anniddorol neu rhyw hen siop lyfrau llychlyd.
Yn anffodus, daeth y bennod hon ym mywydau pob un ohonom i ben bellach. A dyna ydy bywyd – cyfnod arbennig yn gorffen a chyfnod newydd yn blaguro o’n blaenau. Rhywbeth tebyg ydy dechrau blwyddyn - cyfle inni edrych yn ôl ar y gorffennol, cadw ein harferion da a thaflu heibio ein gwendidau.
Fe soniais i am deganau ynghynt. Wel, dyma restr o’r deg mwyaf poblogaidd ymhlith plant y Nadolig hwn, yn ôl y cyfrifiadur hwn:-
- Bakugan –gêm saethu
- Ben 10 Deluxe Omnitrix – oriawr hudol
- High School Musical 3 Musical Dancing Mat – mat dawnsio
- Catcha Beast – gêm electroneg
- Star Wars Clone Trooper Voice Changer – helmed hudol
- Rescue Pals Swim to Me Puppy - ci bach
- Cupcake Maker – deunydd coginio
- Baby Born with Magic Potty - doli
- In the Night Garden Upsy Daisy – doli a’i gwely
- My Life – gêm boced
A gawsoch chi un o’r teganau hyn neu a wnaethoch chi brynu un ohonyn-nhw i rywun arall?
Pob hwyl yn 2009.